Samir Əliyev: "İcbari sığorta mexanizmi Konstitusiya ilə uyğunluq təşkil etmir"

Prezident İlham Əliyev əmlakın sığortalanmasının müasir standartlara uyğunlaşdırılması və əhali arasında maarifləndirmə işlərinin aparılması ilə bağlı tapşırıq verib. Bu məqsədlə Baş nazir Əli Əsədovun sədrliyi ilə Nazirlər Kabinetində müşavirə keçirilib. Müşavirədə sığorta fəaliyyəti, xüsusilə də əmlakın icbari sığortası ilə bağlı təbliğat, təşviqat işlərinin gücləndirilməsi qərara alınıb.
2020-ci ilin fevralın 2-də İTV telekanalının efirində yayımlanan “Diqqət mərkəzi - Yekun” proqrammında əmlak sığortası sahəsində çatışmazlıqlar və bu istiqamətdə görüləcək işlərlə bağlı müzakirələr aparılıb. Verilişdə iştirak edən “İqtisadi Forum” ekspert qrupunun üzvü Samir Əliyev daşınmaz əmlakın icbari sığortasının tətbiqi ilə bağlı öz düşüncələrini bölüşüb. Ekspert hesab edir ki, daşınmaz əmlakın icbari yolla sığortalanması doğru deyil və bu, vətənşdaşların mülkiyyət hüququna ziddir: “İcbari sığorta mexanizmi Konstitusiya ilə uyğunluq təşkil etmir. Konstitusiya hər bir vətəndaşın mülkiyyət hüququnu tanıyır. Mülkiyyət hüququna sahibolma, istifadə etmək və sərəncam vermək hüquqları daxildir. Məsələn, mən ev almaq istəyirəm və bunu edirəm. Deməli, mən buna sahib oluram. Evdə yaşayıram, deməli mən istifadə edirəm. İki hüquq tam qorunur. Üçüncü hüquqi məhduddur. Sərəncam vermək ona görə məhdudlaşır ki, mənim əvəzimdən dövlət onun icbari olması ilə bağlı qərar verir. Dövlət vətəndaşın əvəzinə qərar verməməli, onun əvəzinə kompensasiya ödəməməlidir”

Daşınmaz əmlakın icbari sığortası (1-ci veriliş)

2020-ci ilin fevralın 2-də “İqtisadi Forum” verilişinin növbəti buraxılışı olub. Müzakirəyə çıxarılan mövzu daşınmaz əmlakın icbari sığortası haqqındadır.

Tədbirin aparıcısı, “İqtisadi Forum” ekspert qrupunun üzvü Sabit Bağırov: “Bugünki söhbətimiz tamaşaçılar üçün maraqlı olacaq. Çünki son bir ayda daşınmaz əmlakın icbari sığortası mediada, insanlar arasanda geniş müzakirə olunan məsələdir. Qərara gəldik ki, “İqtisadi Forum” verilişində mütəxəsislərin iştirakı ilə bu məsələnin müzakirəsini təşkil edək”.

İştirakçılar: Rüfət Ağazadə (Atəşgah Sığorta Şirkəti satış şöbəsinin rəhbəri), Rasim Həsənov (iqtisadçı, iqtisad elmləri doktoru, professor), Əliməmməd Nuriyev (Konstitusiya Araşdırmalar Fondunun rəhbəri) və Sabit Bağırov (Sahibkarlığın və Bazar İqtisadiyyatının İnkişafına Yardım Fondunun rəhbəri, aparıcı)). Veriliş ABŞ-ın Beynəlxalq İnkişaf Ağentliyinin (USAID) dəstəyi ilə hazırlanmışdır.

Verilişi aşağıdakı linkdən izləyə bilərsiniz:

https://www.youtube.com/watch?v=BeMM9MZCWUs&t=3546s&fbclid=IwAR24ObCsfxEHDKfneq4MAFeLdOWjynqSJGiIcMG3oD1cb0gjMtW0dFGVv7U

İstehlak kreditlərinin həcmi ildən-ilə artır

Azərbaycan sahibkarlarını narahat edən əsas məsələlərdən biri də biznes kreditləşməsinin vəziyyətidir. Biznes kreditləşməsinin stimullaşdırılmasına baxmayaraq 2019-cu ildə istehlak kreditlərinin cəmi kredit qoyuluşundakı payı artmaqda davam edib. Mərkəzi Bankda (AMB) maliyyə sektoru və iş adamları arasında keçirilən görüşdə sahibklarların AMB sədri Elman Rüstəmova ünvanladığı şirkayət və iradlar bunu deməyə əsas verir.

2020-ci ilin yanvarın 18-də “ARD 24”-ün efirində yayımlanan “Peşəkar mübahisə” verilişində biznes kreditləşməsi mövzusu ətrafında fikir mübadiləsi aparılıb. Verilişdə ekspert qismində “İqtisadi Forum” ekspert qrupunun üzvü, iqtisadçı Samir Əliyev iştirak edib.
Niyə, ölkədə biznes kreditlərinin verilməsinə maraq zəifdir? Niyə istehlak kreditlərinin həcmi ildən-ilə artır?
Suallara ətraflı cavabı aşağıdakı linkdə izləmək olar:

https://www.youtube.com/watch?v=azN1Cvx9oo8&fbclid=IwAR2k0ZXSmCfNCojOswXiVyOBjBcHAHkp327MVPxkQauIMsduwCd-W0q_Ey8

Samir Əliyev: "Kredit vermək üçün cəlb edilən vəsaitlərin faizləri yüksəkdir"

İnsanlar kredit faizlərinin yüksək olmasında bankları günahlandırır. Amma kredit verənlərin də başqa səbəbləri var.
2020-ci ilin yanvarın 13-də İctimai Televiziyanın efirində yayımlanan “Sabaha saxlamayaq” verilişində ölkəmizdə bank faizlərinin yüksək olmasının səbəbləri ətrafında müzakirələr aparılıb. Verilişdə ekspert qismində “İqtisadi Forum” ekspert qrupunun üzvü, iqtisadçı Samir Əliyev də iştirak edib.
Samir Əliyev: “Doğrudan da kredit faizləri yüksəkdir. Faizlərin yüksək olmasını bank rəsmiləri də etiraf edir. Kredit faizlərinin yüksək olmasının səbəbləri müxtəlifdir. İlkin səbəb kredit vermək üçün cəlb edilən vəsaitlərin faizlərinin yüksək olmasıdır...”.
Ekspertlərin kredit faizləri ilə bağlı daha geniş fikirlərini aşağıdakı linkdən izləmək olar:

https://www.youtube.com/watch?v=rGLpYevA-mg&fbclid=IwAR35qsXf_56UrRC2gR6OELS0A98qT1hLQIdOp98H7TGpSCQWiX3FcgVaF1E

"Ödədiyini açıqla" Beynəlxalq təşkilatın Bakıda Avrasiya Regional Konfransı keçirilib

26-27 sentyabrda Bakıda "Ödədiyini açıqla" Beynəlxalq təşkilatın Bakıda Avrasiya Regional Konfransı keçirilib. Konfransda 21 xarici (Qazaxstan, Monqoliya, Albaniya, Rusiya, Tacikistan, Qırğızstan, Britaniya, Fransa, ABŞ, İsveç) və 21 yerli ekspert iştirak etmişdir. Konfransın gündəliyi ilə buradan tanış ola bilərsiniz:
https://drive.google.com/drive/folders/1bO-jUKMmn6Kr_Fu1_fsK2AXarA1EF3nM?usp=sharing

Konfransdan şəkillərə burada baxa bilərsiniz:
https://photos.app.goo.gl/BJDwVbRCDza3nXta8 

Konfransın təşkilatçıları: PWYP, NRGI və Biznesin Tədrisi və Məsləhətlər MMC 

Samir Əliyev: “Türkiyədə 2018-ci ilin ilk 6 ayında cari hesablar balansında mənfi saldo $21 milyarddan $31 milyarda qədər artıb.”

  

27.08.2018

www.1905.az portalının suallarını iqtisadçı Samir Əliyev cavablandırdı.

– Türkiyə Cümhuriyyətinin iqtisadi durumunu necə səciyyələndirərdiniz və Qurban bayramından sonra üçün proqnozlarınız nədən ibarətdir?

– Əlbəttə ki, Türkiyə bizim qonşu ölkədir. Yəni bizi təkcə milli bağlar bağlamır, biz həm də əsas xarici ticarət tərəfdaşıyıq. Xarici ticarətin statistikasına baxsaq görərik ki, Rusiya, Türkiyə bizim əsas ticarət tərəfdaşlarımızdır. İdxalda Rusiya və Türkiyənin payı eynidir. Bunlar bizim ən böyük idxalçı ölkələrdir. Ona görə Türkiyədə baş verən istənilən iqtisadi və siyasi proses bizim ölkəyə hansısa formada təsir etməlidir. Yəqin ki, iqtisadi proseslər daha çox təsir edir, nəinki siyasi proseslər. İlk dövrdə Ərdoğanın gəlişi ilə hakimiyyət arasındakı koordinasiyanın bərpa olunması prosesi baş verdi. Özünüz də bilirsiniz ki, orada hakimiyyət tez-tez dəyişirdi, koalision hökumətlər qurulurdu, dağılırdı. Amma, Ərdoğanın hakimiyyətə gəlməyi ilə təkhakimiyyətlilik yarandı və təbii ki, bunun iqtisadi səmərəsi də oldu.

– Yəni Siz 16 il əvvəl AKP-nin (Adalet ve Kalkınma Partisi – red.) hakimiyyətə gəlməyini nəzərdə tutursunuz.

Sabit Bağırov: BENEFİSİARLARIN AÇIQLANMASI NƏYƏ GÖRƏ VACİBDİR?

2017-ci ildə Azərbaycan MHŞT-ni tərk etməsinə baxmayaraq MHŞT prinsiplərinə sadiq qaldığını bildirdi. Bu Azərbaycan Respublikası Prezidentinin 5 aprel 2017-ci il tarixli Fərmanında[1] əks etdirilir. Sənədin 1-ci bəndində belə bir qərar qeyd edilir:

“Azərbaycan Respublikasında hasilat sənayesində şəffaflıq və hesabatlılıq standartlarının tətbiqi aşağıda göstərilmiş beynəlxalq prinsiplər əsasında davam etdirilsin”

Fərmana əsasən Hasilat Sənayesində Şəffaflıq üzrə Komissiya yaradılmışdır və Hasilat Sənayesində illik hesabtların hazırlanması və dərc edilməsi davam etdirilir. 2016-cı il üzrə Hesabat, demək olar ki, MHŞT Standartının tələblərinə uyğun hazırlanmışdır[2].

2016-cı il MHŞT Standartında tələblərlə yanaşı tövsiyələr də əks etdirilir. Bunlardan biri benefisiar sahibliyin açıqlanmasına aiddir. Benefisiar sahiblik nə deməkdir?

Azərbaycan Qanunvericiliyində bu gün bu məvhumun açılışı verilmir. Bununla belə, “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun[3] “Əsas anlayışlar” Maddəsində Benefisiar Mülkiyyətçi anlayışı verilir:

1.0.12. benefisiar mülkiyyətçi - pul vəsaitləri və ya digər əmlakla əlaqədar əməliyyatlardan son nəticədə iqtisadi və ya hər hansı digər fayda əldə edən fiziki və ya hüquqi şəxs, o cümlədən xeyrinə əqdlərin həyata keçirildiyi hüquqi şəxsin əsl sahibi və ya müştəriyə nəzarəti həyata keçirən və (və ya) adından maliyyə əməliyyatlarının və ya digər əqdlərin həyata keçirildiyi fiziki şəxs və ya hüquqi şəxsə nəzarəti həyata keçirən fiziki şəxsdir;