Postpandemiya dövründə ölkə iqtisadiyyatını nə gözləyir?

"İqtisadi Forum" ekspert qrupunun üzvü, iqtisadçı Azər Mehtiyev "Red Line Channel"in ("Qırmızı Xətt Kanalı") qonağı olub. Teleqram kanalında "Postpandemiya dövründə ölkə iqtisadiyyatını nə gözləyir?" mövzusu ilə bağlı fikir mübadiləsi aparılıb.
Azər Mehtiyev: "İlin birinci yarısında ölkə iqtisadiyyatı 2,7 faiz azalıb. Amma bu, pandemiyanın bütün təsirləri deyil. Nəzərə almaq lazımdır ki, bu il artım gözlənilirdi. Həm artım olmadı, həm də ötən ilin birinci yarısı ilə müqayisədə itkilərə məruz qaldıq".