Konfransda
Maliyyə Nazirliyinin dövlət şirkətlərinə 2020-ci ilin iyunun 29-da ünvanladığı
müraciət, ekspert qrupu tərəfindən icra edilən layihələrdəki vəziyyət, dövlət
şirkətlərində korporativ idarəetmənin tətbiqinin gecikməsi mövzuları ətrafında
fikir mübadiləsi aparılıb.
Konfransın aparıcısı
S.Bağırov qeyd etdi ki, Maliyyə Nazirliyi iyunun 29-da paylarının (səhmlərinin)
51 faizi və daha artıq hissəsi birbaşa və dolayısilə dövlətə məxsus olan
səhmdar cəmiyyətlərinə, məhdud məsuliyyətli cəmiyyətlərinə müraciət edib.
Müraciətdə dövlət şirkətlərindən 2021-ci il üzrə illik proqnoz (hədəf)
göstəricilərini razılaşdırılmaq üçün avqust ayının 1-dək Maliyyə Naziriyinə
təqdim etmələri tələb olunur. Dövlət şirkətlərinə qarşı belə bir müraciət
Nazirlər Kabinetinin 2019-cu ilin iyunun 4-dəki Qərarı ilə bağlıdır.
Xatırladaq ki, Azərbaycan prezidenti 2016-cı ilin
sentyabrın 5-də “Paylarının (səhmlərinin) nəzarət zərfi dövlətə məxsus olan
hüquqi şəxslərin fəaliyyətində səmərəliliyin artırılması ilə bağlı əlavə
tədbirlər haqqında” Sərəncam imzalayıb. Sərəncama uyğun olaraq Nazirlər Kabineti
dövlət şirkətlərinin fəaliyyətinin səmərəliliyinin qiymətləndirilməsi
qaydasını, dövlət şirkətlərinin korporativ idarəetmə qaydaları və
standartlarını, dövlət şirkətlərinin fəaliyyətinin nəticələrinə əsaslanan
ödəniş sistemi əsasında hüquqi şəxslərin idarəetmə orqanlarının üzvlərinə bonus
ödənişinin verilməsi qaydasını təsdiq edib.
Görüş iştirakçıları qeyd edilən məsələ ilə bağlı öz
fikirlərini ifadə ediblər. Ekspertlər bildirdilər ki, bir sıra hallarda yaxşı
qərarlar qəbul edilsə də sonradan onların icrası səngiyir, səmərəsiz nəticələr
verir.
Dövlət şirkətlərində korporativ idarəetmə ilə bağlı
normativ hüquqi aktlar qəbul olunmasına baxmayaraq həmin qərarların
tələblərinin həyata keçirilməsini də buna bir misaldır.
Normativ aktlarda dövlət şirkətlərinin korporativ
idarəetməyə keçidinə dair ümumi tələblər olsa da konkret müddət
müəyyənləşdirilməyib. Ekspertlər hesab edir ki, korporativ idarəetmənin təmin
edilməsi prosesini sürətləndirmək məqsədilə normativ hüquqi sənədlərdə keçid
müddəti müəyyənləşdirilməlidir.
Hiç yorum yok:
Yorum Gönder